انتخاب آهنگ شما (شيلا (تو را ميخوام لكنت بنيامين عاشق شدم بنيامين خاطره ها بنيامين نشكن دلمو سفارشي شهياد بيا اينجا شادمهر ماچ افشين بارون السيد خدا يكي يار يكي ناز ناز السيد دوست دارم السيد وطن فروش ارشيا جردن حسين صنعتي لنت به اين رفاقت قانون تو حاكان تف به مرامت عوضي لوتي دست خوش خيالي هست بهنام صد دفه گفتم تيام دختر كابلي تيام بي تو تيام توئي عشق آخرينم شوق نفس سروش محال شادمهر تك آهنگ شاد

حسرت ایخـَرم سی مـَهلی چـِیَـل . ا َر  و ِی هـَمِی چـِیَـلی که وَ هوش خـُم هم رهـته  یه ذره ای هم بختر اعتنا  ایکردیم  ایسو ایطرسیم زبون د ی و بوا مونَ بیشتر بَلغـور کنیم.

 ایسو ایطرسیم لا اَقل گپَـل و متیل و حکایت ننه و بوا نه وَ جوون و دل نوش کنیم تا کم هی همش فکر کـُنن که نونیم چه وِی بو و بُخو بـُگن حالییته حواسته و خـُوشو یای شو رهته بو که دوره ی ما وابیـده یه طاعونی شهری گـَپ زدن و وِر داین هـَرچی لریه و جاش یه چـِیـَلی یتی مون دانه که وَش ایگـُن فارسی و اَر هَمَشه بـِگردی غیره عربی و خارجی هیچی پیا نیکـُنی .

 هَمی لری که ایسو یای مون رهته ریشه اش وَ زوون پهلوی ایرسه یو نه اونگـَلی ایگـُن که زوون ال قـَییمی نه ایشناسن و خوتو قاضی .

 ار ایسو زوون فارسی هم داره یواش و هُـمار هَـمار یای ما ایره دونسه بیت وَ گردن آُونگـَلی هه که نخاسن یه زوون دی یی و مادری حـُرمتش حفظ وابو و حال بیه وَ یه قومی . نونسن که هَمی زوون اَل و قول اینگـَل و عقب افتاده یه معدنی سی فارسیَ که زوون ملی مایه و هر واژه ی ایخاسن و هم ای زوون ال ایشـَهـِس وَشو وام بـِگره تا کم هی زوون دون ال عربی و ترکی و... سی ای زوون آمار درست کنن و هی ایقـدر کلمه نه مِن فارسی مال ولات و دیار خـُـشو بیو نن . (تازه کتابل شو هم یَـکـُلی چاپ وابیده)

 ای مـَـتن زوون دی ای نه هم وَ خاطر پیشنهاد ککام نوشتنم و وش هم ممنونم که یای مو و خیلی و دوسَلمون انداخت . دارم ایسو  یواش یواش وَ دِلم ایشینه لری نوشتن بد نی ایشا هم سی آزمایش که وابیده یه چـَنتا سطر بنویسید تا یای تو بیا چقه لری یای تو مونده .

 مو نه بوخشیت که سرتونَ وَدرد آوردم ولی لازم بی ی تلنگر ایجوری که اول وَ خـُم بزنم و بعد .... آخو ای همه گفتم که برسم وی چو که وَ حقیقت قدر زوون مون َ بدونین تا بیشتر مزمت نیاشته بو . شاد و سر بلند و لــُـر بیت.

آرشيو پيوندهاي روزانه